2010/01/20

向 Microsoft 學習


我知道「麥客見聞」的讀者中,有不少視 Microsoft 為死敵。在有生之年,都儘量避開 Microsoft,對所有 Microsoft 出品的軟件永不錄用。那麼,有甚麼是要向 Microsoft 學習的呢?

就像所有宅男一樣,我也愛玩電視遊戲機,當中包括 Microsoft 的 XBOX 360。其實我對這部 XBOX 360 不算熱衷,一個月只會啟動數次,玩玩 PGR 或 Forza 等賽車遊戲,使用率是十分低的。

終於在上星期,我的 XBOX 360 在慶祝她三歲生日後不久,就出現了人生必經的「三紅」狀況。據身邊友人稱,「三紅」是硬件問題,Microsoft 會負責在產品出廠的三年內免費維修或更換,只要把 XBOX 360 送到葵涌的維修中心就行。

上星期三,我懷著絕望的心情致電 Microsoft 熱線,不用等多久,就有一位態度十分親切的、廣東話說得很流利的服務員跟我了解情況。只消十多分鐘,他便確認了我的 XBOX 360 是行貨機,只要沒有人為更改或破壞,是可以獲得免費維修的!

因為維修中心距離 Mactivity 頗遠,而我也不是十分急著要玩,對方便替我安排上門收機及送機的服務。當我查詢這個上門收機送機服務所需費用時,對方竟然說是「完全免費」!

一個星期後,我收到一部新的 XBOX 360。盒內還附上一封頗具誠意的感謝信,以及一張 XBOX Live 會員咭,供一個月上網用。

當然有部份朋友會說,如果 XBOX 360 的質素好一點,我就不用去更換了。但我對 Microsoft 這次的服務是完全滿意的。

如果 Apple 對她的所有產品,在保用期內或保用期外,都可以提供這樣迅速而優質的服務,那同樣向 Apple 客戶提供服務的 Mactivity 就可以......結業了。

P.S. 最緊要正字又來了,應該是「」表心意還是「」表心意?

12 則留言:

Nardo 說...

其實唔係冇...
只不過香港冇姐
我係外國就享受過APPLE的服務
一樣係免費收+送貨, 不過可能效率冇咁快姐(始終係外國)

Unknown 說...

聊表心意...

Sonic 說...

有咁好服務,條氣都順晒啦...
多年前去sony ericsson 整機,去到維修中心人山人海,等成個幾兩個鐘... 好啦,取機啦,又要輪多次... 谷氣...

早前死左隻 Hitachi 2.5" 250GB HDD,未夠一年死左,去偉仕,話冇貨換,要等十日,好啦,等左十四日都冇call我,打去就話冇貨,話俾返三舊水我算... 三舊水都買唔返一隻新... 三年保養,用左一年未夠就話冇貨換,咩叫三年保養?嘈一輪先話搵到隻俾我... 谷死氣...

Nikon 整機,一架整極都話試唔到有事... 一架明明個測光唔準都話係咁... 幾年前有人complain D200出相有紋,就見到資深staff昆個客話Film影都會有紋... 做事唔認真,耍等就耍...

Canon 整機,整好會免費送上門,呢樣幾好,有誠意...

一個好的售後服務,好緊要呢... 其實產品壞左,客戶冇得用已經為客戶帶來麻煩,仲要人花時間送去整,又要取機... 真係好煩...

香港 Apple 唔駛講啦... 用得apple都係要受...

享受生活 - Enjoy life 說...

Bill 說...

點解過左三年都仲可以換既??

Icarus L 說...

我在英國時, 又沒有 德 提到的「免費收+送貨」服務...
講真, 你形容的服務真係好好, 但亦相信好似香港咁細的地方, 才可行...
「寥表心意」吧...寥即少, 少少心意。

匿名 說...

我現在在英國生活,前排壞了台HP Printer,打去HP CS度同佢講我壞的情況,結果壞了的那台HP他沒有來回收,一星期後寄了一台全新的給我,畢竟外國地方大,排人來回收,一來一回的費用已足夠買台新機了

Martian Successor 說...

我係美國生活,前陣子我的MacBook Pro燒左底板,之後因為趕住用既關係自己楂車去左最近既Apple Store。果到Genius Bar ge服務人員一聽到我部機開唔到,就即刻為我提供服務。唔洗十分鍾佢地就確定我部機可以送修,而且答應我維修時間將不多於4日(因為佢地門市冇維修部,要寄我部機去整)。之後問及地址時,佢地發現我既住址離店鋪都幾遠,就好主動問我需唔需要將整好既機直接寄返我屋企,費用全免。咁我當然話好啦。5日之後FedEx宜接將我部機寄上我門,用既mailing plan係over-night...

Apple 係美國既服務都係好好,係唔知點解香港既服務先差成咁。好記得幾年前我部iBook因為壞左個Firewire而拎上去CASE到整,佢地整左成個月都未整好...之後我仲要不停打電話去吹佢地先可以拎返部機。 sigh....

柊帆 說...

只要係行機都有3年三紅包換!?如果係咁今夜就整紅佢…

mobile23 說...

上網make個appointment. 之後去Apple Store, 即換出門口, 前後唔駛15分鐘!! 依方面冇乜需要要向M$學習 ^^"

pig 說...

外國 Apple store 服務真係好到嚇親人。我部四歲既Macbook pro 壞左power adapter, 去 Apple store genius bar, 問左幾句就送左個新既俾我。另外有朋友兩年機(已經無保養)壞左舊電,genius bar送左舊新既俾佢。可惜我部MBP 電池太舊,無得免費換:P

Unknown 說...

是盡快還是儘快?